ORUCLUĞA DAİR DAHA 5 MARAQLI SUALIN CAVABINI ÖYRƏNƏK
1. Öz ailəsi birlikdə evdə Təravih namazını qılmaq
Sual: Bir kəs təravih namazını (Ramazanda) evdə öz ailəsi ilə qıla bilər ?Cavab: Bunda bir problem yoxdur, öncə də keçdiyi kimi bu daha yaxşıdır.
Şeyx Muqbil bin Ha`di
Fəda`ih va Nəsa`ih, Əl-Allə`məh Əl-Muhəddis Muqbil ibn Ha`di əl-Va`dii, D`arul-Harameyn, Qahirə, səh. 86
2. Ağır iş səbəbindən dolayı orucu pozmaq
Sual: Hörmətli şeyx! İşi ağır olan və nəticə etibarilə oruc tutması çətinləşən kəs barədə rəyiniz nədir? O kəs orucunu poza bilərmi?Cavab: Bu məsələdə, həmin kəs haqqında mənim rəyim budur ki, ağır iş səbəbindən dolayı orucunu pozmaq olmaz və caiz deyil. Əgər o kəs işini oruc ilə uyğunlaşdıra bilmirsə, o zaman Ramazanda tətil götürsün ki, oruc tutmaq onun üçün asan olsun. Ramazan orucu İslam dininin əsaslarından biridir və tərk etmək mümkün deyil.
Şeyx Muhəmməd bin Sa`lih əl-Useymi`n, İslamın Əsasları barədə fətvalar, cild 2, səh.630
3. Oruc zamanı onun susuzluğu şiddətlənir və ona görə də içir
Sual: Bir nəfər Ramazanda oruc tutur və onun susuzluğu şiddətlənir, ona görə də içir. Bunun hökmü nədir?Cavab: O kəs həmin günün qəzasını tutmalı və alimlər arasında olan iki rəydən ən düzgün olanına görə kəffarə vermir. Əgər bu məsələdə o kəs diqqətsiz (laqeyd) olubsa, Allaha tövbə etməli və bununla yanaşı həmin günün qəzasını tutmalıdır.
Şeyx Abdul-Aziz bin Bəzz
Fəta`va İsləmiyyəh, DARUSSALAM, cild 3, səh.289
4. Orucluqda burundan qan axmanın hökmü
Sual: Burundan axan qan orucu pozurmu?Cavab: Burundan axan qan orucu pozmur, çünki qan axma oruc tutanın öz ixtiyarında deyil.
Şeyx Muhəmməd bin Sa`lih əl-Useymi`n, DARUSSALAM, Cild 2, səh. 664
5. Bütün Ramazan ayı üçün bir niyyət?
Sual: Ramazanda tutulan hər bir günün orucu üçün niyyət etmək vacibdir, yoxsa bütün ay üçün bir niyyət etmək kifayətdir?Cavab: Ramazan ayının başlanğıcında bir niyyət etmək kifayətdir, çünki hətta oruc tutan şəxs hər gecədən əvvəl hər gün üçün niyyət etməyibsə, artıq o ayın əvvəlində niyyət etmişdir. Lakin, əgər səfər və yaxud xəstəlik və buna bənzər səbəblərdən dolayı ay ərzində orucu pozubsa o niyyətini yeniləməlidir. Çünki səfər, xəstəlik və yaxud buna bənzər səbəblərdən dolayı orucu tərk etməklə onu pozmuşdur.
Şeyx Muhəmməd bin Sa`lih əl-Useymi`n, İslamın Əsasları barədə fətvalar, cild 2, səh.630
