Bismillahir – rəhmanir - rəhim!
Aləmlərin Rəbbi olan Allaha həmdü-səna, Peyğəmbərlərin və Rəsulların ağasına,onun ailəsinə, əshəbələrinə və onun göstərdiyi doğru yola Qiyamət gününə qədər sadiq olanlara Allahın salavatı (xeyir-duası –tərc.) və salamı olsun!
Möhtərəm oxuculara təqdim etdiyim bu risalənin əsasında ustadımız Məhəmməd Nəsirəddin əl-Əlbaninin hicri 1932-ci ilin yayında Dəməşq yaxınlığındakı Yərmuk qaçqın düşərgəsində yerləşən evində oxuduğu iki mühazirə durur. Bu mühazirələrlə o, təvəssül problemini geniş planda işləmiş və onun bütün aspektlərini araşdırmışdır. Ciddi elmi axtarışın, güclü və aydın məntiqin məhsulu olan bu qiymətli mühazirələr dinləyiciləri valeh etmişdi. Dinləyicilər də öz növbəsində mühazirəçinin gəldiyi nəticələri qəbul etmiş, onun irəli sürdüyü və keçmiş dövrün müctəhid imamlarının (Allah onlara rəhmət eləsin!) məzhəbi ilə uzlaşan fikirlərini bəyənmişdilər.
Biz bu tədqiqat əsərini nəşr etdirib həmin ciddi mövzu ilə bağlı çox çaş-baş qalmış müsəlmanlara düşdükləri vəziyyətdən xilas olmaq imkanı verməyi faydalı bir iş hesab etdik.
Məhəmməd Eyd əl-Abbası
