ALLAH – subhənəhu və təalə – nin SƏMİ – EŞİTMƏK, BASİR - GÖRMƏK SİFƏTİ
SƏMİ – eşidən olmasının mənası nə qədər yavaş olursa olsun, bütün səsləri idrak edən (eşidən) deməkdir. O, yaratdıqlarının eşitmələrinə bənzəməyən bir sifət olan səmi sifətilə gizli və açıq hər bir şeyi eşidir.
BASİR – görən olmasının mənası isə hər nə qədər incə və hissedilməz kimi görünürsə və ya uzaq olursa olsun hər bir şeyi gözəl bir şəkildə idrak edən (görən) deməkdir.
«Allah kasıbdır, biz isə dövlətliyik! Deyənlərinin sözlərini Allah, əlbəttə eşitdi». (Ali İmran 181). Yoxsa onlar elə güman edirlər ki, biz onların pıçıltılarını və xəlvəti danışıqlarını eşitmirik! Xeyr, yanlarında olan elçilərimiz yazırlar». (əz-Zuxruf 80). Allah buyurdu: «Qorxmayın mən də sizinləyəm, eşidirəm və görürəm». (Ta ha 46). Əbu Hureyrə – radıyallahu anhu – rəvayət edir ki, Rəsulullah – sallalahu aleyhi və səlləm – buyurdu: «Şübhə yox ki, Allah haqqı ilə eşidən və haqqı ilə görəndir ayəsini oxuduqdan sonra baş barmağını qulağının, şəhadət barmağını isə gözünün üstünə qoydu». Əbu Musa – radıyallahu anhu – rəvayət edir ki, Rəsulullah –sallallahu aleyhi və səlləm – buyurdu: «Ey insanlar sakit olun! Siz nə bir kara, nə də burda olmayan birisinə dua edirsiniz. Siz hər şeyi eşidən və hər şeyi görənə dua edirsiniz».
